Ölkəyə giriş yasağı: 4616 qərar qəbul olunub
Dövlət Miqrasiya Xidməti 2019-cu ilin 9 ayına olan statistik məlumatları açıqlayıb. Rəsmi hesabata görə, yanvar-sentyabr aylarında əcnəbilərin olduğu yer üzrə qeydiyyatı ilə bağlı 542 min 541 müraciət qeydə alınıb.
9 ay ərzində ölkədə müvəqqəti olma müddətinin uzadılması, müvəqqəti və daimi yaşamaq üçün icazələrin alınması, vətəndaşlığa qəbul, bərpa, vətəndaşlıqdan çıxma, vətəndaşlıq mənsubiyyətinin və qaçqın statusunun müəyyənləşdirilməsi, əmək fəaliyyətinin həyata keçirilməsi üçün iş icazələrinin alınması və mövcud iş icazələrinin müddətinin uzadılması üçün 60 min 863 müraciətin daxil olduğu bildirilir.
Qeyd olunur ki, qanunvericiliyin tələblərinin pozulması ilə əlaqədar 11061 qərar qəbul edilib, 6050 qərarda inzibati cərimə, 4616-da ölkə ərazisinə girişə məhdudiyyət nəzərdə tutulub.
