Oktyabr necə yarılandı?
Mərkəzi Bank oktyabrın 15-də bir çox valyutanı ucuzlaşdırıb. Novator.az-ın məlumatına görə, avro 1,8748, Çin yuanı 0,2403, Rusiya rublu 0,0264, Türkiyə lirəsi 0,2873 manata enib.
ABŞ dolları (1,7 manat), BƏƏ dirhəmi (0,4628 manat), Gürcüstan larisi (0,5727 manat) və Səudiyyə Ərəbistanı rialının (0,4532 manat) rəsmi məzənnələri dəyişməyib.
Bahalaşan İngiltərə funt sterlinqi banklara 2,1477 manata təklif olunur.
Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla start verib.
Dövlət Neft Fondu manatın qorunması üçün Mərkəzi Bankın 2019-cu ilin doqquz ayında keçirdiyi valyuta hərraclarında 4 milyard 512,8 milyon ABŞ dolları məbləğində vəsait satıb.
