9 ayda 82 nəfər işə bərpa edilib
Əmək və Əhalinin Sosial Müdafiəsi Nazirliyi Dövlət Əmək Müfəttişliyi Xidmətinin 2019-cu ilin 9 ayında gördüyü işlərlə bağlı məlumat yayıb. Hesabata görə, yanvar-sentyabr aylarında vətəndaş müraciətlərinin araşdırılması zamanı 82 işçinin əmək müqavilələrinə qanunvericiliyin tələbləri pozulmaqla xitam verildiyi üzə çıxıb, görülən tədbirlər nəticəsində həmin şəxslər əvvəlki işlərinə bərpa ediliblər.
Qeyd olunur ki, yanvar-sentyabr aylarında aparılan araşdırmalar zamanı 108 min 513 manat sosial xarakterli ödənişlərin işçilərə ödənməsinin gecikdirildiyi müəyyən edilib, 93 faizi əmək haqlarından ibarət həmin vəsaitin işçilərə ödənməsi təmin olunub.
