1:1-lik qələbə
Avropa futbol çempionatının seçmə mərhələsində növbəti oyun günü arxada qalıb. Novator.az-ın məlumatına görə, H qrupunda yarışan Türkiyə milli komandası oktyabrın 14-ü Fransada 1:1 hesablı bərabərliyə nail olaraq final raunduna çıxmaq şansını artırıb. Sona iki tur qalmış Türkiyə və Fransanın 19, İslandiyanın 15 xalı var.
55 milli komanda 10 qrupda mübarizə aparır. Final raunduna qruplarda ilk iki yeri tutan yığmalar adlayır.
İndiyədək B qrupundan Ukrayna, G qrupundan Polşa, İ qrupundan Belçika və Rusiya, J qrupundan İtaliya final mərhələsinə vəsiqəni təmin ediblər.
Avropa çempionatının final mərhələsi 2020-ci ilin yayında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
