Seçmə mərhələ finişə yön alıb
Avropa futbol çempionatının seçmə mərhələsi davam edir. Novator.az-ın məlumatına görə, E qrupunda yarışan Azərbaycan milli komandası oktyabrın 13-ü səfərdə Macarıstana 1 cavabsız topla yenilib, Uels – Xorvatiya görüşü isə 1:1 hesabı ilə bitib.
Xorvatiyanın 14, Macarıstanın 12, Slovakiyanın 10, Uelsin 8, Azərbaycanın 1 xalı var.
E qrupundakı qalan oyunların təqvimi:
16 noyabr
Azərbaycan – Uels
Xorvatiya – Slovakiya
19 noyabr
Uels – Macarıstan
Slovakiya – Azərbaycan.
55 milli komanda 10 qrupda mübarizə aparır. Final raunduna qruplarda ilk iki yeri tutan yığmalar adlayır.
İndiyədək G qrupundan Polşa, İ qrupundan Belçika və Rusiya, J qrupundan İtaliya final mərhələsinə vəsiqəni təmin ediblər.
Avropa çempionatının final mərhələsi 2020-ci ilin yayında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
