Sərhəddə insident
Dövlət Sərhəd Xidmətinin rəsmi məlumatına görə, oktyabrın 12-si saat 13:20 radələrində Füzuli rayonunun Bala Bəhmənli kəndi yaxınlığındakı sərhəd zastavasının xidməti ərazisində 1 nəfər İrandan Azərbaycan istiqamətində dövlət sərhədini pozub. Sərhəd pozucusu tutularkən sərhəd naryadına müqavimət göstərib, soyuq silahla bir hərbi qulluqçuya xəsarət yetirib.
Hadisə yerinə baxış zamanı 1 ədəd bağlamada 790 qram marixuana, 105 qram heroin, 100 qram kristal formalı narkotik vasitə aşkar olunub.
Sərhədi pozan Tərtər rayonunun sakini, 1990-cı il təvəllüdlü Yadigarov Etibar Əvəz oğlu cinayət məsuliyyətinə alınıb.
