“Nida”nın qurultayı olub, yeni İdarə Heyəti seçilib
Oktyabrın 13-ü “Nida” Vətəndaş Hərəkatının növbəti qurultayı keçirilib.
Novator.az-ın məlumatına görə, qurultayda hərəkatın yeni İdarə Heyəti də formalaşıb.
İdarə Heyətinə Elgiz Qəhrəman, İlkin Rüstəmzadə, Turqut Qəmbər, Ülvi Həsənli və Bayram Məmmədov seçiliblər.
“Nida” – özünün bəyan etdiyinə görə – Azərbaycanda vətəndaş cəmiyyəti və demokratik-hüquqi dövlətin qurulması məqsədilə hüququn aliliyinin təmin edilməsi və sosial-iqtisadi dəyişikliklərin keçirilməsi ideyası ətrafında yaradılmış hərəkatdır.
Hərəkata rəhbərliyi İdarə Heyəti həyata keçirir.
İdarə Heyətinin üzvləri bir illiyə seçilir.
2011-ci ildə yaradılan “Nida” Hərəkatının 250-dən çox üzvü olduğu bildirilir.
