Valyutaların yönü
Mərkəzi Bank oktyabrın 11-də avronun məzənnəsini 1,8726 manata qaldırıb.
Novator.az-ın məlumatına görə, həmçinin Çin yuanı (0,2393 manat), İngiltərə funt sterlinqi (2,1163 manat), İsveç kronu (0,1730 manat), Rusiya rublu (0,0264 manat), Türkiyə lirəsi (0,2908 manat) bahalaşıb.
ABŞ dollarının rəsmi kursu 1,7 manat səviyyəsində saxlanıb, dəyər itirən Gürcüstan larisi isə banklara 0,5734 manata satılır (Valyutalar).
Avro 2019-cu ilə 1,9323, lari 0,6346, rubl 0,0245, lirə 0,3141 manatla start verib.
25-29 aprel arası, mayın 3-də, 20-24 və 29-31 may, 24 iyul-5 avqust arası avro 1 manat 90 qəpikdən ucuz satılıb.
Avqustun 14-dən rəsmi məzənnə yenə 1 manat 90 qəpikdən aşağıdır.
Dolların indiki qiyməti 2018-ci il martın 7-dən qüvvədədir.
2015-ci ildə baş verən iki devalvasiya nəticəsində dolların rəsmi kursu 0,7862 manatdan 1,5594 manata qalxıb.
2016-cı ildə rəsmi qiymət 1,7707 manata çatıb, 2017-ci il dekabrın 13-dən 2018-ci il martın 7-dək dollar banklara 1,7001 manata təklif olunub.
Dövlət Neft Fondu manatın qorunması üçün Mərkəzi Bankın 2019-cu ilin doqquz ayında keçirdiyi valyuta hərraclarında 4 milyard 512,8 milyon ABŞ dolları məbləğində vəsait satıb.
2016-cı ildə Dövlət Neft Fondunun analoji xərci 4,9 milyard dollar, 2017-ci ildə 3,6 milyard dollar, 2018-ci ildə 6,5 milyard dollar göstərilib.
