Azərbaycan rəqabət reytinqində
Dünya İqtisadi Forumu 2019-cu il üzrə qlobal rəqabətlilik indeksini açıqlayıb. İndeks institusional və makroiqtisadi göstəricilərə əsaslanır.
Novator.az-ın məlumatına görə, Azərbaycan 141 ölkə arasında 58-ci yerdə göstərilir. 2018-ci ilin reytinqdə Azərbaycan 140 ölkə arasında 69-cu yerdə idi.
Yeni indeksdə Rusiya 43-cü, Türkiyə 61-ci, Ermənistan 69-cu, Gürcüstan 74-cü, İran 99-cu pillədə qərar tutur.
Estoniya 31-ci, Litva 39-cu, Latviya 41-ci, Qazaxıstan 55-ci, Ukrayna 85-ci, Moldova 86-cı, Qırğızıstan 96-cı, Tacikistan 104-cüdür.
Qlobal rəqabətlilik indeksinə Sinqapur başçılıq edir, ABŞ ikinci, Honkonq üçüncü pillədədir.
İlk onluqda Niderland, İsveçrə, Yaponiya, Almaniya, İsveç, Böyük Britaniya və Danimarka da yer alır.
Reytinq cədvəlini Çad qapayır (141-ci yer).
