Sərhəddə itki
Dövlət Sərhəd Xidmətinin rəsmi məlumatına görə, Azərbaycan-Ermənistan sərhədində qərar tutan “Qazax” əlahiddə sərhəd diviziyasının mövqelərinə düşmən təxribatları davam edir: “Oktyabrın 2-si saat 16:55 radələrində Qazax rayonunun Quşçu Ayrım kəndi istiqamətində yol salınması ilə məşğul olan ekskavator atəşə tutulub, sürücü, mülki şəxs Abışov Səfərəli Ələkbər oğlu həlak olub. Düşmən bölmələrinin atəş nöqtələri cavab atəşi ilə susdurulub”.
Oktyabrın 1-i axşam saat 10 radələrində Qazax rayonu istiqamətində Ermənistan Silahlı Qüvvələrinin Azərbaycan ərazisinə doğru təxribat-diversiya qruplarının hərəkəti aşkarlanmış və bunun qarşısı alınmışdı.
