Ermənistanda minimum əməkhaqqı artırılır
Oktyabrın 3-də Ermənistan parlamenti minimum əməkhaqqının 55 min dramdan 68 min drama (142 dollar) qaldırılmasını nəzərdə qanun layihəsini ilk oxunuşda qəbul edib. Novator.az xəbər verir ki, maaş artımına büdcədən 2 milyard drama yaxın vəsaitin ayrılacağı açıqlanıb.
Ermənistanda minimum əməkhaqqı sonuncu dəfə 2015-ci ildə artırılıb.
Maliyyə Nazirliyinin hesabatına görə, 2018-ci ildə ölkədə orta əməkhaqqı 172 min drama bərabər olub.
Azərbaycanda minimum əməkhaqqı 2007-ci il fevralın 1-dən 50 manat; 2008-ci il yanvarın 1-dən 60 manat, sentyabrın 1-dən 75 manat; 2010-cu il sentyabrın 1-dən 85 manat; 2011-ci il dekabrın 1-dən 93,5 manat; 2013-cü il sentyabrın 1-dən 105 manat; 2017-ci il yanvarın 1-dən 116 manat, 2018-ci il yanvarın 1-dən 130 manat, bu il martın 1-dən 180 manat olub. Sentyabrın 1-dən minimum əməkhaqqı 250 manata (147 dollar) çatdırılıb.
Səidə Hüseynova
