5-ci səfər
Prezident İlham Əliyev oktyabrın 2-də həmkarı Vladimir Putinin dəvəti ilə Rusiyaya işgüzar səfərə gedib. AZƏRTAC- xəbər verir ki, Soçi hava limanında dövlət başçısını Krasnodar vilayəti qubernatorunun müavini, Şoçi meri və başqa rəsmi şəxslər qarşılayıb.
Novator.az bildirir ki, bu, 2019-cu ildə İlham Əliyevin 5-ci xarici səfəridir. Yanvarda İsveçrənin Davos şəhərinə səfər edən prezident Dünya İqtisadi Forumuna qatılıb, həmçinin bir çox görüş keçirib, o cümlədən Ermənistanın baş naziri Nikol Paşinyanla bir araya gəlib.
Mart ayında İlham Əliyev Avstriyanın paytaxtı Vyanada Nikol Paşinyanla Dağlıq Qarabağ münaqişəsinin həlli üzrə müzakirə aparıb.
Apreldə Çinə yollanan prezident 2-ci “Bir kəmər, bir yol” beynəlxalq forumuna qatılıb, həmçinin ikitərəfli görüşlər keçirib.
May ayında Belçika Krallığına gedən prezident paytaxt Brüsseldə ölkənin və Avropa İttifaqının rəhbərləri ilə bir araya gəlib.
