“Qafqaz Qartalı – 2019” başa çatdı
Mod.gov.az-ın 1 oktyabr məlumatına görə, müdafiə naziri Zakir Həsənov, Türkiyə, Gürcüstan və Pakistandan olan qonaqlar Bakıda keçirilən “Qafqaz Qartalı – 2019” birgə təlimləri çərçivəsində təşkil olunan yüksək səviyyəli müşahidəçi gününə qatılıblar. Təlimin döyüş atışlı mərhələsində xüsusi təyinatlı bölmələr aviasiya vasitələrinin dəstəyi ilə müxtəlif tapşırıqlar icra edib.
Birgə təlimin yekunlarını təhlil edən müdafiə naziri hərbi qulluqçuların döyüş hazırlığını yüksək qiymətləndirib, təlimlərin ölkələrin, o cümlədən strateji əhəmiyyətli regional layihələrin təhlükəsizliyi baxımından vacibliyini vurğulayıb, təlimdə təmsil olunan ölkələrin nümayəndələrinə hədiyyələr verib.
