Kurs dəyişmələri
Mərkəzi Bank sentyabrın 27-də Gürcüstan larisinin məzənnəsini 0,5743 manata qaldırıb. Novator.az-ın məlumatına görə, Belarus rublu (0,8203 manat), İsrail şekeli (0,4876 manat), Moldova leyi də (0,0958 manat) bahalaşıb.
ABŞ dolları (1,7 manat), BƏƏ dirhəmi (0,4628 manat) və Ukrayna qrivnasının (0,0706 manat) rəsmi qiymətləri sabit qalıb.
Dəyər itirən avro banklara 1,8568, Çin yuanı 0,2382, İngiltərə funt sterlinqi 2,0958, Rusiya rublu 0,0264, Türkiyə lirəsi 0,2994 manata təklif olunur (Valyutalar).
Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu manatı qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.
