Böyük beşlikdə vəziyyət necədir?
İtaliya milli futbol çempionatında 5-ci tura yekun vurulub. Novator.az-ın məlumatına görə, turnir cədvəlinə 15 xalla “İnter” başçılıq edir. “Yuventus” 13, “Atalanta” 10, “Napoli”, “Kalyari” və “Torino” 9 xal əldə edib.
6 turdan sonra İspaniya çempionatında “Real” 14 xalla öndə durur. “Real Sosyedad” və “Atletiko” 13, “Atletik” 12, “Qranada” 11, “Barselona” və “Sevilya” 10 xal götürüb.
7 turu yola salan Fransa çempionatında PSJ və “Anje”nin 15 xalı var. “Lill” və “Nant” 13, “Bordo”, “Marsel” və “Nitsa” 12 xal qazanıb.
İngiltərə çempionatında 6 turun ardından 18 xalla “Liverpul” birincidir. Onu 13 xalla “Mançester Siti” izləyir. “Lester”, “Arsenal” və “Vest Hem”in 11 xalı var.
Almaniya çempionatında 5 tur oynanıb. “Leypsiq” 13 xalla ilk pillədə dayanır. “Bavariya” 11, “Borussiya” (Dortmund), “Frayburq”, “Şalke”, “Borussiya” (Mönhenqladbah) və “Bayer” 10 xal yığıb.
