Bakıda orta maaş 820 manata yaxınlaşıb
2019-cu ilin yanvar-avqust aylarında paytaxt sənayesində 26,4 milyard manatlıq istehsal və xidmət qeydə alınıb. Novator.az-ın məlumatına görə, Bakı Şəhər Statistika İdarəsi bildirir ki, sənaye məhsulunun 80,5 faizi mədən sektorunda istehsal olunub. Sənayedə qeyri-dövlət sektorunun payı 83,6 faiz göstərilir.
Rəsmi hesabata əsasən, səkkiz ayda Bakıda ticarət dövriyyəsinin həcmi 2018-ci ilin yanvar-avqust ayları ilə müqayisədə 3,2 faiz, iaşə dövriyyəsi real ifadədə 5,7 faiz, əhaliyə göstərilən ödənişli xidmətlərin dəyəri real ifadədə 1,9 faiz artıb.
Orta aylıq nominal əməkhaqqının avqustun 1-nə 819,4 manata yüksəldiyi vurğulanır.
