Valyutaların yönü
Mərkəzi Bank sentyabrın 25-də avronun məzənnəsini 1,8692 manata qaldırıb. Novator.az-ın məlumatına görə, İngiltərə funt sterlinqi (2,1190 manat) və Türkiyə lirəsi də (0,2984 manat) bahalaşıb.
ABŞ dollarının rəsmi kursu 1,7, BƏƏ dirhəmi 0,4628, Rusiya rublu 0,0266 manat həddində qalıb.
Dəyər itirən Çin yuanı banklara 0,2388, Gürcüstan larisi 0,5720 manata təklif olunur (Valyutalar).
Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu manatın məzənnəsini qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.
