Vəkilin cəzası ləğv edilib
Adil İsmayılovun vəkillik fəaliyyətini bir il müddətinə dayandıran qərar ləğv olunub. Xəbəri “Azadlıq” radiosu yayıb.
Novator.az bildirir ki, Adil İsmayılov 1957-ci ildə anadan olub. Bakı Dövlət Universitetinin hüquq fakültəsinin məzunudur. Bir çox tanınmış şəxsin, o cümlədən 2004-cü ildə Macarıstanda tutularaq ömürlük həbsə məhkum edilmiş, 2012-ci ildə Azərbaycana gətirilərək azadlığa buraxılmış zabit Ramil Səfərovun vəkili olub.
Bir müddət əvvəl vəkil Sahil Quliyev Vəkillər Kollegiyasına rəsmi müraciətində Adil İsmayılovun sosial şəbəkədə onu təhqir etdiyini bildirib. Məsələyə intizam icraatı çərçivəsində baxılıb və Vəkillər Kollegiyasının Rəyasət Heyəti sentyabrın 9-da Adil İsmayılovun vəkillik fəaliyyətini bir il müddətinə dayandırıb.
“Azadlıq” radiosunun məlumatına görə, sentyabrın 24-də Rəyasət Heyəti 9 sentyabr qərarını ləğv edib. Buna Sahil Quliyevin Adil İsmayılovdan şikayətini geri götürməsi əsas yaradıb.
