Əsgər şəhid olub
Azərbaycan Ordusunun əsgəri Ramin Şövkət oğlu Abdulrəhmanov şəhid olub.
Müdafiə Nazirliyinin mətbuat xidmətindən Report.az-a verilən məlumata görə, sentyabrın 22-si Ramin Abdulrəhmanov cəbhə zonasında yerləşən hərbi hissədə yolu azaraq düşmənlə üzbəüz mövqelər arasındakı əraziyə keçib. Həmin ərazidə ermənilər onu vurublar.
Əsgərin nəşinin ərazidən təhlükəsiz təxliyəsini təmin etmək məqsədilə Beynəlxalq Qızıl Xaç Komitəsinin Azərbaycan nümayəndəliyinə müraciət olunub.
Müdafiə Nazirliyinin mətbuat xidməti bildirir ki, Ermənistanın kütləvi informasiya vasitələrində guya Azərbaycan tərəfinin cəbhə xəttində təxribat törətməsi barədə yayılan məlumatlar yalandır.
