Hərbi qulluqçu həlak olub
Azərbaycan Ordusunun müddətdən artıq həqiqi hərbi xidmət hərbi qulluqçusu əsgər Məmmədov Elyarbəy Beyqalı oğlu həlak olub.
Xəbəri Müdafiə Nazirliyi yayıb.
Nazirliyin açıqlamasında deyilir ki, hadisə sentyabrın 20-si gecə saatlarında hərbi hissələrdən birində naməlum şəraitdə baş verib.
Hadisə ilə bağlı istintaq prosedurları başlanıb.
Müdafiə Nazirliyinin rəhbərliyi həlak olan hərbi qulluqçunun valideynlərinə və yaxınlarına dərin hüznlə başsağlığı verir.
