Azərbaycan və başqaları…

19 Sentyabr 2019
comments
Səidə Hüseynova
Posted in Xəbər

Azərbaycan 2020-ci ilin may ayında Niderlandın Rotterdam şəhərində keçiriləcək “Avroviziya” beynəlxalq mahnı müsabiqəsində iştirakını təsdiqləyib.

1956-cı ildən keçirilən “Avroviziya” yarışı ictimai teleradioları cəmləşdirən Avropa Yayım Birliyinin layihəsidir.

Azərbaycan “Avroviziya”ya 2008-ci ildən qatılır və bir dəfə – 2011-ci ildə Nigar Camal və Eldar Qasımovla 1-ci yeri götürüb.

Ölkə daha dörd iştirakda ilk beşlikdə qərar tutub. 2013-cü ildə Fərid Məmmədov 2-ci, 2009-cu ildə Aysel Teymurzadə və Araş 3-cü, 2012-ci ildə Səbinə Babayeva 4-cü, 2010-cu ildə Səfurə Əlizadə 5-ci olub.

Digər nəticələr belə sıralanır: 2008-ci ildə Elnur Hüseynov və Samir Cavadzadə 8-ci yer, 2019-cu ildə Çingiz Mustafayev 8-ci yer, 2015-ci ildə Elnur Hüseynov 12-ci yer, 2017-ci ildə Diana Hacıyeva 14-cü yer, 2016-cı ildə Səmra Rəhimli 17-ci yer, 2014-cü ildə Dilarə Kazımova 22-ci yer.

“Avroviziya 2018”dəki təmsilçi Aysel Məmmədova 26 nəfərlik finala çıxa bilməyib. Yarımfinalda topladığı xalları nəzərə alanda o, bütövlükdə yarışın 43 iştirakçısı arasında 30-cu yerdə qərarlaşıb.

Novator.az bildirir ki, mahnı müsabiqəsində iştirakını Azərbaycan və ev sahibi Niderlandla yanaşı bu ölkələr təsdiqləyib:

Albaniya

Almaniya

Avstraliya

Avstriya

Belarus

Belçika

Böyük Britaniya

Çexiya

Estoniya

Danimarka

Finlandiya