Sərmayə: həm artım var, həm azalma
2019-cu ilin yanvar-avqust aylarında xarici müəssisə və təşkilatlar Azərbaycanda iqtisadi və sosial sahələrin inkişafına 2 milyard 528,9 milyon manat vəsait qoyub. Bu vəsaitin 80,9 faizinin Böyük Britaniya, Türkiyə, İsveçrə, ABŞ, Yaponiya, Malayziya, Rusiya, İran və Norveç sərmayədarlarına məxsus olduğu bəyan edilib.
Novator.az-ın məlumatına görə, Dövlət Statistika Komitəsi bildirir ki, səkkiz ayda Azərbaycanda iqtisadi və sosial layihələrə 8 milyard 627,2 milyon manat (əvvəlki ilin səkkiz ayı ilə müqayisədə 5,4 faiz az) xərclənib, qeyri neft-qaz sektoruna sərmayənin həcmi 5,7 faiz artıb.
Hesabatda qeyd olunur ki, sərmayədə müəssisə və təşkilatların vəsaitləri 4 milyard 825,9 milyon manat, bank kreditləri 678,1 milyon manat, büdcə vəsaitləri 2 milyard 388,7 milyon manat, büdcədənkənar fondların vəsaitləri 136,1 milyon manat, əhalinin şəxsi vəsaitləri 574,5 milyon manat, sair vəsaitlər 23,9 milyon manat təşkil edib.
