İsrail: yeni parlamentdə mandat bölgüsü
İsrailin yeni parlamentinə ilkin mandat bölgüsü bəlli olub. Novator.az bildirir ki, sentyabrın 17-də keçirilmiş seçkinin nəticələrinə görə, müxalif Kahol Lavan bloku 120 yerlik parlamentə 32 mandatla düşür.
Baş nazir Benyamin Netanyahunun liderlik etdiyi Likud Partiyası 31 mandat götürür.
Dörd ərəb partiyasının yaratdığı Birləşmiş Siyahı bloku 13 mandat, İsrail – Bizim Evimiz və ŞAS partiyaları hərəyə 9 mandat, Tora Yəhudiliyi Partiyası 8 mandat, Yamina bloku 7 mandat, Fəhlə Partiyası 6 mandat, Demokratik Düşərgə Partiyası 5 mandat əldə edir.
Hökumət qurmaq üçün 61 mandat tələb olunur. Koalisiya formalaşdırmaq istəyən partiya maksimum 6 həftə vaxt alır.
Bu il aprelin 9-da keçirilmiş parlament seçkisində Likud Partiyasına dəstək verən sağ mərkəzçi blok üstün gəlsə də, hökumət qurmaq mümkün olmayıb və parlament özünü buraxaraq təkrar seçkiyə qərar verib.
