Turizm: yeni göstəricilər açıqlanıb
2019-cu ilin yanvar-avqust aylarında Azərbaycana 190 ölkədən 2 milyon 138,7 min və ya ötən ilin səkkiz ayı ilə müqayisədə 8,2 faiz çox əcnəbi gəlib. Novator.az-ın məlumatına görə, Dövlət Statistika Komitəsi Sərhəd Xidmətinə istinadla gələnlərin 30,6 faizinin Rusiya, 22,1 faizinin Gürcüstan, 9,5 faizinin Türkiyə, 7,7 faizinin İran, 4 faizinin Səudiyyə Ərəbistanı vətəndaşı olduğunu bildirir.
Səkkiz ayda xarici ölkələrə gedən Azərbaycan vətəndaşlarının sayı əvvəlki ilin yanvar-avqust aylarına nəzərən 20,7 faiz artaraq 3 milyon 729,2 min nəfərə çatıb. Ölkə vətəndaşlarının 36,4 faizi İrana, 29 faizi Gürcüstana, 17,5 faizi Rusiyaya, 11,6 faizi Türkiyəyə, 5,5 faizi digər ölkələrə gedib.
