Azərbaycan nefti 71 dollardan bahadır
Sentyabrın 17-də Azərbaycan nefti 7 dollardan çox bahalaşıb. AZƏRTAC-ın məlumatına görə, “AzəriLayt” markalı neftin bir barrelinin qiyməti 71,10 dollara yüksəlib.
London birjasında brent markalı neftin bir barrelinin 68,80 dollara, Nyu-York birjasında layt markalı neftin bir barrelinin 62,42 dollara satıldığı bildirilir.
Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt”ın bir barreli yanvara 57,19, fevrala 63,69, marta 67,62, aprelə 70,82, maya 75,55, iyuna 67,09, iyula 66,75, avqusta 67,44, sentyabra 60,85 dollarla start verib.
Energetika Nazirliyinin hesabatına görə, yanvarda gündəlik neft hasilatı 793 min barrel, fevralda 806 min barrel, martda 798 min barrel, apreldə 683 min barrel, mayda 776 min barrel, iyunda 768 min barrel, iyulda 778 min barrel, avqustda 749 min barrel olub.
Səkkiz ayın orta gündəlik neft hasilatı 769 min barreldir.
Neftin kəskin bahalaşması sentyabrın 14-nə keçən gecə Səudiyyə Ərəbistanındakı bir neçə neft emalı zavodunda törədilən partlayış və yanğının nəticəsində bu ölkənin hasilatının düşməsi ilə bağlıdır.
