İqtisadi fəaliyyət növləri üzrə orta maaş göstəriciləri
Rəsmi hesabata görə, Azərbaycan iqtisadiyyatında muzdla çalışan işçilərin orta aylıq nominal əməkhaqqı 2019-cu il avqustun 1-nə 587,7 manat olub. Novator.az Dövlət Statistika Komitəsinə istinadla iqtisadi fəaliyyət növləri üzrə orta maaş göstəricilərini təqdim edir:
mədən sənayesi – 3046,2 manat;
maliyyə və sığorta fəaliyyəti – 1685,8 manat;
peşə, elmi və texniki fəaliyyət – 1138,2 manat;
informasiya və rabitə – 989,5 manat;
nəqliyyat və anbar təsərrüfatı – 824,9 manat;
tikinti – 712,9 manat;
dövlət idarəetməsi və müdafiə; sosial təminat – 661,4 manat;
elektrik enerjisi, qaz və buxar istehsalı, bölüşdürülməsi və təchizatı – 625 manat;
emal sənayesi – 613,4 manat;
daşınmaz əmlakla əlaqədar əməliyyatlar – 544,5 manat;
turistlərin yerləşdirilməsi və ictimai iaşə – 552,3 manat;
su təchizatı, tullantıların təmizlənməsi və emalı – 409,8 manat;
təhsil – 405,4 manat;
ticarət; nəqliyyat vasitələrinin təmiri – 394,1 manat;
istirahət, əyləncə və incəsənət sahəsində fəaliyyət – 377,9 manat;
inzibati və yardımçı xidmətlərin göstərilməsi – 377 manat;
kənd təsərrüfatı, meşə təsərrüfatı və balıqçılıq – 329 manat;
əhaliyə səhiyyə və sosial xidmətlərin göstərilməsi – 310,7 manat;
digər sahələrdə xidmətlərin göstərilməsi – 580,1 manat.
Sentyabrın 1-dən Azərbaycanda minimum əməkhaqqı 250 manata çatdırılıb, həmçinin dövlət sektorunda çalışanların maaşlarına 20-50 faiz artımlar edilib. Əmək və Əhalinin Sosial Müdafiəsi Nazirliyinin açıqlamasına görə, minimum əməkhaqqının artımı Vahid Tarif Cədvəli pillələri üzrə edilən artımlar da nəzərə alınmaqla 950 min nəfərin maaşının artmasına imkan verib, dövlət sektorunda işləyənlərin maaşlarının 20-50 faiz artırılması isə 400 min vətəndaşı əhatə edib.
