Rusiyada pensiya artımı anonsu
2020-ci ildə Rusiyada sığorta pensiyası 6,6%, sosial pensiya 7% artırılacaq. Novator.az-ın məlumatına görə, baş nazirin müavini Tatyana Qolikova sentyabrın 13-də belə açıqlama verib. O, 2020-ci ildə orta pensiya məbləğinin 15 min rubla (394 manatdan çox) yaxınlaşacağını, işləməyən pensiyaçıların yaşa görə pensiyasının orta məbləğinin 16,4 min rubla (431 manat) çatacağını vurğulayıb.
2019-cu il yanvarın 1-nə Rusiyada 43 milyon 871 min 625 nəfər pensiyaçı qeydə alınıb, onların 9 milyon 669 min 711 nəfəri işləməyən pensiyaçılar olub.
2019-cu il iyulun 1-nə Azərbaycanda aylıq pensiyaların orta məbləği 232,3 manat göstərilib.
Səidə Hüseynova
