İqtisadi azadlıq reytinqi
İqtisadi azadlıq reytinqi açıqlanıb. Novator.az-ın məlumatına görə, Kanadanın Freyzer İnstitutunun və 100-dən çox ölkəni əhatə edən İqtisadi Azadlıq Şəbəkəsinin birgə hazırladığı reytinq hökumətin həcmi; hüquq sisteminin durumu və mülkiyyət hüququnun müdafiəsi; yerli valyutanın möhkəmliyi; xarici ticarət azadlığı; biznesin tənzimlənməsi kimi meyarlara əsaslanır.
162 ölkənin daxil edildiyi siyahıda Gürcüstan 12-ci, Estoniya 13-cü, Litva 16-cı, Latviya 24-cü, Ermənistan 27-ci yerdə göstərilir.
İqtisadi azadlıq reytinqinə Honkonq başçılıq edir. İlk beşlikdə Sinqapur, Yeni Zelandiya, İsveçrə və ABŞ da var.
Qazaxıstan reytinq cədvəlinin 68-ci, Qırğızıstan 77-ci, Rusiya 85-ci, Türkiyə 95-ci, Belarus 99-cu pilləsini tutur.
Azərbaycan 116-cı yerdədir.
Tacikistan 132-ci, Ukrayna 135-ci, İran 143-cüdür.
Reytinq cədvəlini Venesuela qapayır.
