Dollar tərpənməsə də…
Mərkəzi Bank sentyabrın 13-də ABŞ dollarının kursunu 1,7 manat səviyyəsində saxlayıb. Bir çox valyuta, o cümlədən avro (1,8818 manat), Gürcüstan larisi (0,5743 manat), Rusiya rublu (0,0263 manat), Türkiyə lirəsi (0,3006 manat) bahalaşıb (Məzənnələr).
Novator.az bildirir ki, dolların indiki rəsmi qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Dövlət Neft Fondu manatın məzənnəsini qorumaq üçün Mərkəzi Bankın 2019-cu ilin yanvar-avqust aylarında keçirdiyi valyuta hərraclarında 3 milyard 893,9 milyon dollar məbləğində vəsait satıb.
