Ayrılan vəsait 15 milyon manata çatdı
Prezident İlham Əliyev zəlzələdən zərər çəkmiş Şamaxı rayonuna yeni vəsait ayrılmasına sərəncam verib. Sentyabrın 12-də imzalanmış sənədlə Şamaxı Rayon İcra Hakimiyyəti yaşayış evlərinə dəymiş ziyanın aradan qaldırılması, evlərin təmiri üçün 2019-cu ilin dövlət büdcəsindən, prezidentin ehtiyat fondundan 2 milyon manat alır.
Novator.az bildirir ki, bu il fevralın 5-də və 6-da episentri Ağsu və İsmayıllı ərazisində olan zəlzələlər nəticəsində bu rayonlarda, eləcə də Şamaxıda bir çox fərdi yaşayış evi qəzalı vəziyyətə düşüb, sosial obyektlərə və infrastruktura ziyan dəyib.
Fevralın 7-də dövlət başçısı dəymiş ziyanın aradan qaldırılması üçün Fövqəladə Hallar Nazirliyinə 2 milyon manat, martın 7-də Fövqəladə Hallar Nazirliyinə 5 milyon manat, Şamaxı, İsmayıllı və Ağsu rayon icra hakimiyyətlərinin hər birinə 2 milyon manat ayırmışdı.
