Sərmayə və sənaye hesabatları
Dövlət Statistika Komitəsi yeni hesabatlar yayıb. Novator.az bildirir ki, rəsmi məlumata görə, 2019-cu ilin yanvar-avqust aylarında ölkənin iqtisadi və sosial sahələrinin inkişafı üçün əsas kapitala 8 milyard 627,2 milyon manat vəsait yönəldilib. Ümumi sərmayənin 64,3 faizi məhsul istehsalı sahələrinə, 26 faizi xidmət sahələrinə, 9,7 faizi yaşayış evlərinin tikintisinə sərf olunub. Daxili mənbələrdən əsas kapitala yönəldilmiş vəsait ümumi sərmayənin 70,7 faizini təşkil edib.
Başqa bir hesabata əsasən, 2019-cu ilin yanvar-avqust aylarında 30,9 milyard manatlıq və ya 2018-ci ilin müvafiq dövrü ilə müqayisədə 2 faiz çox sənaye məhsulu istehsal olunub. Sənayenin qeyri neft-qaz sektorunda məhsul istehsalının 15,2 faiz artdığı vurğulanır.
