Müharibə əlillərinə 50 maşın verildi
Əmək və Əhalinin Sosial Müdafiəsi Nazirliyi sentyabrın 12-də müharibə əlillərinə və onlara bərabər tutulan şəxslərə “Xəzər” markalı 50 avtomobil təqdim edib.
Rəsmi məlumata görə, tədbirdə çıxış edən nazir müavini Anar Əliyev deyib ki, 2019-cu ildə Əmək və Əhalinin Sosial Müdafiəsi Nazirliyi müharibə əlillərinə 330 avtomobil verib, bununla da minik avtomobili alanların sayı 6474-ə çatıb: “Bu il Qarabağ müharibəsi əlilləri və şəhid ailələrinə azı 800 mənzil verilməsi planlaşdırılıb, indiyədək 110 mənzil təqdim edilib. Ümumilikdə bu vaxta qədər 6764 şəhid ailəsi və müharibə əlili nazirlikdən mənzil alıb”.
