Müəllim maaşlarının məbləği təsdiqlənib
Nazirlər Kabineti dövlət ümumi təhsil müəssisələrində çalışan, bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşlarının sxemini təsdiqləyib. Novator.az bildirir ki, həftədə 18 saat dərs yükü olan müəllimlərin maaşı belə müəyyən edilib:
pedaqoji stajı 3 ilə qədər olan müəllim (ali təhsilli 460 manat, orta ixtisas təhsilli 420 manat);
pedaqoji stajı 3 ildən 8 ilə qədər olan müəllim (ali təhsilli 495 manat, orta ixtisas təhsilli 445 manat);
pedaqoji stajı 8 ildən 13 ilə qədər olan müəllim (ali təhsilli 520 manat, orta ixtisas təhsilli 460 manat);
pedaqoji stajı 13 ildən 18 ilə qədər olan müəllim (ali təhsilli 555 manat, orta ixtisas təhsilli 490 manat);
pedaqoji stajı 18 ildən çox olan müəllim (ali təhsilli 595 manat, orta ixtisas təhsilli 510 manat).
Bilik və bacarıqlarının diaqnostik qiymətləndirilməsi aparılmamış müəllimlərin aylıq vəzifə maaşı göstərilən məbləğlərdən 25 faiz aşağı müəyyən olunub.
Yenilik 2019-cu il sentyabrın 1-dən qüvvədədir.
