Finişə doğru
Avropa futbol çempionatının seçmə mərhələsi finişə yön alıb. Novator.az bildirir ki, 55 milli komanda 10 qrupda mübarizə aparır. Qruplarda ilk iki yeri tutan yığmalar final raunduna adlayacaq.
A qrupunda ilk pilləni 12 xalla İngiltərə tutur. Çexiya 9 xalla ikincidir.
B qrupunda lider Ukraynanın 13, təqibçisi Portuqaliyanın 8 xalı var.
C qrupunda Almaniya və Şimali İrlandiya öndədir: 12 xal.
D qrupunda İrlandiya 11 xalla birinci, Danimarka 9 xalla ikinci yerdədir.
E qrupunda yer alan Azərbaycan milli komandası 1 xalla son pillədə dayanır. Xorvatiyanın 10, Slovakiya və Macarıstanın 9, Uelsin 6 xalı var.
F qrupunda 18 xalla İspaniya liderdir. İsveçin 11 xalı var.
G qrupunda Polşa öndə durur: 13 xal. Sloveniya 11 xal əldə edib.
H qrupunda Türkiyə və Fransa 15 xal götürüblər.
İ qrupunda lider Belçikanın 18, Rusiyanın 15 xalı var.
J qrupunda İtaliya 18 xalla liderlik edir. Finlandiya 12 xal toplayıb.
Növbəti tur oktyabrın 10-da start götürəcək.
Final mərhələsi 2020-ci ilin yayında Bakı, Sankt-Peterburq, Buxarest, Budapeşt, Kopenhagen, Amsterdam, Münhen, Roma, Bilbao, London, Dublin, Qlazqo şəhərlərində keçiriləcək. Bakı Olimpiya Stadionu 3 qrup oyununa, 1 dörddə bir finala ev sahibliyi edəcək.
