KİV-in reklam gəliri 18,2 milyon manat azalıb
Vergiler.az saytı Azərbaycanın kütləvi informasiya vasitələrində (KİV) yayımlanan reklamlardan gəlirlərlə bağlı arayış açıqlayıb. Hesabata görə, 2015-ci ildə reklamlardan 25 milyon 969 min 100 manat gəlir götürülüb. 2016-cı ildə gəlir 10 milyon 912 min 400 manata, 2017-cı ildə 4 milyon 684 min 800 manata enib.
KİV-in 2018-ci ildə reklamlardan 7 milyon 747 min 200 manat gəlir əldə etdiyi bildirilir (Bunun 6 milyon 912 min 400 manatı televiziyada yayımlanmış reklamların payına düşür). 2015-ci illə müqayisədə gəlir 18,2 milyon manat azalıb.
