Gürcüstanın bahalıq statistikası
Gürcüstanın Milli Statistika Xidməti inflyasiya hesabatı açıqlayıb. Novator.az-ın məlumatına görə, 2019-cu ilin avqust ayında ötən ilin eyni dövrü ilə müqayisədə 4,9% qiymət artımı rəsmiləşib.
Statistikaya əsasən, bir ildə alkoqollu içkilər və tütün məmulatları 13,8%, ərzaq və alkoqolsuz içkilər 8%, səhiyyə xidmətləri 3,9% bahalaşıb.
Siqaretin qiymətinin 29,1% yüksəldiyi, buna 2019-cu ilin əvvəlindən aksiz vergisinin artırılmasının səbəb olduğu qeyd edilir.
Meyvə və üzümdə 18,2%, balıq məhsullarında 16,3%, çörək və çörək məhsullarında 12,4%, ət və ət məhsullarında 9,3%, ağartı və yumurtada 6,5% bahalaşma qeydə alınıb.
Hesabata görə, təhsil xidmətlərində 2,6%, nəqliyyat xidmətlərində 4,4%, su, elektrik enerjisi və təbii qaz təminatı xidmətlərində 1,6% qiymət artımı olub.
İl ərzində geyim və ayaqqabıların 6,9%, rabitə xidmətlərinin 2,4% ucuzlaşdığı vurğulanır.
