Ermənistanda müəllimlərin maaşı artdı
Ermənistanda orta məktəb müəllimlərinin maaşı 10% artırılıb. Novator.az-ın məlumatına görə, qərar hökumətin 5 sentyabr iclasında qəbul olunub.
Sentyabrın 1-dən tətbiq ediləcək maaş artımı üçün Elm, Təhsil, Mədəniyyət və İdman Nazirliyinə 1 milyard 666 milyon dram (3 milyon 500 min dollar) vəsait ayrılacağı bildirilir. Rəsmi açıqlamaya əsasən, nazirlik 1 stavka dərs yükü üçün 108 min dram (225 dollara yaxın) məbləğində minimal maaş müəyyən etməyi də planlaşdırır.
Azərbaycanda dövlət ümumi təhsil müəssisələrində çalışan, bilik və bacarıqlarının diaqnostik qiymətləndirilməsi aparılan müəllimlərin aylıq vəzifə maaşları sentyabrın 1-dən artırılıb. Artım üçün müəllimin həftədə 18 saat dərs yükü olmalıdır.
Pedaqoji stajı 3 ilə qədər olan müəllimin maaşı 462 manata, stajı 3 ildən 8 ilə qədər olan müəllimin maaşı 496 manata, stajı 8 ildən 13 ilə qədər olan müəllimin maaşı 522 manata, stajı 13 ildən 18 ilə qədər olan müəllimin maaşı 555 manata qalxıb.
Pedaqoji stajı 18 ildən çox olan müəllim 594 manat maaş alacaq.
Səidə Hüseynova
