32-lər tamam
UEFA Çempionlar Liqasında son təsnifat raundu başa çatıb. 28 avqust matçlarında Çexiyanın “Slaviya” , Hollandiyanın “Ayaks”, Belçikanın “Brügge” komandaları qrup mərhələsinə vəsiqə əldə ediblər. 17 sentyabr-11 dekabr arasında keçiriləcək raundda İspaniyanın “Barselona”, “Atletiko”, “Real”, “Valensiya”, İngiltərənin “Mançester Siti”, “Liverpul”, “Çelsi”, “Tottenhem”, İtaliyanın “Yuventus”, “Napoli”, “Atalanta”, “İnter”, Almaniyanın “Bavariya”, “Borussiya” (Dortmund), “Leypsiq”, “Bayer”, Fransanın PSJ, “Lill”, “Lion”, Rusiyanın “Zenit”, “Lokomotiv” (Moskva), Portuqaliyanın “Benfika”, Ukraynanın “Şaxtyor”, Belçikanın “Genk”, Türkiyənin “Qalatasaray”, Avstriyanın “Zalsburq”, Yunanıstanın “Olimpiakos”, Serbiyanın “Srvena Zvezda”, Xorvatiyanın “Dinamo” klubları da mübarizə aparacaq.
Qrup mərhələsinin püşkü avqustun 29-u Monakoda atılacaq.
Novator.az bildirir ki, qrup mərhələsinin 32 komandasının 11-i əvvəllər Çempionlar Liqasının qalibi olub. 1955-ci ildə yaradılmış, 1991-ci ilə qədər Çempionlar kuboku adlanmış turnirdə “Real” 13, “Liverpul” 6, “Bavariya” və “Barselona” 5, “Ayaks” 4, “İnter” 3, “Benfika” və “Yuventus” 2, “Srvena Zvezda”, “Borussiya” və “Çelsi” 1 uğur əldə edib.
