Neft büdcə qiyməti həndəvərində
AZƏRTAC-ın 28 avqust məlumatına görə, London birjasında brent markalı neftin bir barreli 60,07 dollara, Nyu-York birjasında layt markalı neftin bir barreli 55,60 dollara satılır.
Azərbaycan nefti “AzəriLayt”ın bir barrelinə 61,55 dollar qiymət qoyulub.
Novator.az bildirir ki, Azərbaycanın 2019-cu il büdcəsində neftin qiyməti 60 dollardan götürülüb. “AzəriLayt”ın bir barreli yanvara 57,19, fevrala 63,69, marta 67,62, aprelə 70,82, maya 75,55, iyuna 67,09, iyula 66,75, avqusta 67,44 dollarla start verib.
Energetika Nazirliyinin hesabatına görə, yanvarda Azərbaycanın gündəlik neft hasilatı 793 min barrel, fevralda 806 min barrel, martda 798 min barrel, apreldə 683 min barrel, mayda 776 min barrel, iyunda 768 min barrel, iyulda 778 min barrel olub.
Yanvar-iyul aylarının orta gündəlik neft hasilatı 771,7 min barrel göstərilib.
