Benzinə rüsum və aksiz güzəşti tətbiq olunur
Nazirlər Kabineti “Azərbaycan Respublikasının xarici iqtisadi fəaliyyətin mal nomenklaturası, idxal gömrük rüsumlarının dərəcələri və ixrac gömrük rüsumlarının dərəcələri”ndə dəyişiklik edib. Novator.az-ın məlumatına görə, 92 və ya daha çox oktanlı, eləcə də 95-dən az oktanlı avtomobil benzini rüsumdan azad olunub. Hazırda 1000 litr üçün 15 ABŞ dolları tutulur.
Digər qərarla “Azərbaycan Respublikasının ərazisinə gətirilən aksizli malların aksiz dərəcələri” yenilənib. Tərkibində qurğuşunun miqdarı 0,013 q/l-dən çox olmayan, 95-dən az oktanlı və tərkibində qurğuşunun miqdarı 0,013 q/l-dən çox, 95-dən az oktanlı benzin (mühərrik benzinləri, aviasiya benzinləri istisna olmaqla) üçün aksiz dərəcəsi 1 ton üçün 200 manatdan 1 manata enib.
Hər iki qərar 2019-cu il sentyabrın 1-dən 90 gün müddətində qüvvədə olacaq.
