Bakıda orta maaş
2019-cu ilin yanvar-iyul aylarında Azərbaycan paytaxtının sənayesində istehsalın və xidmətlərin həcmi 23,2 milyard manat təşkil edib. Novator.az-ın məlumatına görə, Bakı Şəhər Statistika İdarəsi sənaye məhsulunun 80,9 faizinin mədən, 17,1 faizinin emal, 1,4 faizinin elektrik enerjisi, qaz və buxar istehsalı, bölüşdürülməsi və təchizatı, 0,6 faizinin su təchizatı, tullantıların təmizlənməsi və emalı sektorlarında istehsal olunduğunu açıqlayıb.
Sənayedə qeyri-dövlət sektorunun payı 83,9 faiz göstərilir.
Hesabata əsasən, 7 ayda ticarət dövriyyəsinin həcmi 2018-ci ilin yanvar-iyul ayları ilə müqayisədə 3,1 faiz, iaşə dövriyyəsi real ifadədə 4,9 faiz, əhaliyə göstərilən ödənişli xidmətlərin dəyəri real ifadədə 1,7 faiz artıb.
İyulun 1-nə Bakıda işçilərin orta aylıq nominal əməkhaqqı 816,8 manata çatıb.
