Əməkhaqqı: neft-qaz sektorunda 3133,6 manat…
Dövlət Statistika Komitəsi məşğulluq və işsizlik hesabatı yayıb. Novator.az bildirir ki, rəsmi məlumata görə, 2019-cu il avqustun 1-nə iqtisadi fəal əhalinin sayı 5 milyon 180,1 min nəfər olub, onların 4 milyon 927,8 min nəfərini məşğul əhali təşkil edib.
İyulun 1-nə muzdla işləyənlərin sayı 1 milyon 613,7 min nəfər göstərilib. Neft-qaz sektorunda 35 min nəfərin, qeyri neft-qaz sektorunda 1 milyon 578,7 min nəfərin çalışdığı vurğulanır.
2019-cu ilin birinci yarısı ərzində ölkədə 92 min yeni iş yeri açılıb, 5,6 min iş yeri bağlanıb.
Yanvar-iyun aylarında ölkə iqtisadiyyatında muzdla çalışan işçilərin orta aylıq nominal əməkhaqqı 585,2 manata çatıb. Əməkhaqqı neft-qaz sektorunda 3133,6 manat, qeyri neft-qaz sektorunda 527,4 manat təşkil edib. Dövlət müəssisələrində çalışan işçilərin orta maaşı 477,8 manat, özəl müəssisələrdə 724,9 manat olub.
Hesabata əsasən, avqustun 1-nə məşğulluq xidməti orqanları 60,7 min nəfəri işsiz kimi qeydiyyata alıb, işsizlikdən sığorta ödənişinin orta məbləği 229,1 manat olub.
