İmaməddin Heydərov həbs olunub
AXCP Hacıqabul rayon şöbəsinin sədri Kamal Heydərovun oğlu İmaməddin Heydərova 30 sutka inzibati həbs verilib.
Qərarı rayon məhkəməsi avqustun 24-də çıxarıb.
AXCP Rəyasət Heyətinin üzvü İlham Hüseyn “Amerikanın səsi”nə deyib ki, İmaməddin Heydərovun hansı inzibati xətaya görə tutulduğu haqda ailəsinə məlumat verilməyib.
İlham Hüseyn ehtimal edir ki, İmaməddin Heydərov “Facebook” şəbəkəsindəki fəallığına görə cəzalandırılıb.
Son bir həftədə AXC-nin 5 fəalı inzibati qaydada həbs edilib.
