Mərkəzi Bankın yeni hesabatları
Mərkəzi Bank yeni hesabatlar açıqlayıb. Novator.az bildirir ki, rəsmi bilgiyə görə, avqustun 1-nə valyuta ehtiyatının həcmi 5 milyard 962,8 milyon dollar olub.
Pul bazasını Mərkəzi Bank avqustun 1-nə 10 milyard 574,3 milyon manat göstərir.
Statistikaya əsasən, iyulun 1-nə kreditlərin məbləği 13 milyard 146 milyon manat, əmanətlərin həcmi 8 milyard 736,3 milyon manat həddində rəsmiləşib.
Başqa bir hesabata görə, iyulun 1-nə ödəniş vaxtı keçmiş kreditlərin həcmi 1 milyard 486,5 milyon manata düşüb.
Yanvarın 1-nə problemli kreditlər 1 milyard 585 milyon manat, fevralın 1-nə 1 milyard 569,4 milyon manat, martın 1-nə 1 milyard 574,7 milyon manat, aprelin 1-nə 1 milyard 558 milyon manat, mayın 1-nə 1 milyard 503,8 milyon manat, iyunun 1-nə 1 milyard 494,3 milyon manat həddində olub.
İyulun 1-nə xarici valyutada 4 milyard 764,5 milyon manat kredit rəsmiləşib. Bunun 725,5 milyon manatı problemli kreditdir.
