“Rus silahı” susdu
Azərbaycanı UEFA Avropa Liqasında təmsil edən komandalar ikinci mərhələyə start verib. Novator.az-ın məlumatına görə, “Neftçi” iyulun 25-i Rusiyanın Tula şəhərində yerli “Arsenal”ı 1:0 hesabı ilə yenib.
Öz meydanında Gürcüstan paytaxtının “Dinamo” klubunu qəbul edən “Qəbələ” isə məğlub olub – 0:2.
Cavab görüşləri avqustun 1-nə təyin olunub.
Mərhələ keçəcəyi halda “Neftçi”ni üçüncü raundda İsrailin “Bney Yehuda” klubu gözləyir.
“Qəbələ” – “Dinamo” cütlüyünün qalibi Hollandiyanın “Feyenoord” komandasına rəqib olacaq.
“Neftçi” birinci mərhələdə Moldovanın “Speranta” klubunu ələyib (6:0 və 3:0). “Qəbələ” turnirə ikinci mərhələdən başlayıb.
