Üç qəzetlə bağlı yeni qərar
Nazirlər Kabineti “Azərbaycan” qəzeti, “Xalq qəzeti” və “Bakinski raboçi” qəzeti redaksiyalarına maliyyə yardımı barədə qərarını yeniləyib. 2007-ci il dekabrın 30-da qəbul edilmiş qərarla redaksiyalara dövlət büdcəsinin vəsaiti hesabına alınacaq qəzet kağızının norması belə müəyyənləşmişdi:
“Azərbaycan” – ildə 118 ton
“Xalq qəzeti” və “Bakinski raboçi” – ildə 98 ton.
Novator.az bildirir ki, iyulun 24-də rəsmiləşən yeni qərarla “Azərbaycan” qəzetinə dövlət büdcəsinin vəsaiti hesabına ildə 148 ton, “Xalq qəzeti” və “Bakinski raboçi”yə 123 ton kağız alınacaq.
“Azərbaycan” qəzeti Milli Məclisin nəşridir. Digər iki qəzetin həmtəsisçiləri Prezidentin İşlər İdarəsi və redaksiya kollektivləridir.
