Trampın komandası
Novator.az ABŞ prezidenti Donald Trampın yenilənmiş komandasının üzvlərini təqdim edir:
Mayk Pens – vitse-prezident
Mayk Pompeo – dövlət katibi (xarici işlər naziri)
Mark Esper – müdafiə naziri
Uilyam Barr – ədliyyə naziri (baş prokuror)
Devid Bernhard – daxili işlər naziri
Kevin Makalinan – daxili təhlükəsizlik naziri
Stiven Mnuçin – maliyyə naziri
Uilbur Ross – ticarət naziri
Sonni Perdyu – kənd təsərrüfatı naziri
Rik Perri – energetika naziri
Eleyn Lan Çao – nəqliyyat naziri
Ben Karson – tikinti və şəhər inkişafı naziri
Patrik Pitsella – əmək naziri
Aleks Azar – səhiyyə və sosial xidmətlər naziri
Robert Uilki – veteranlarla iş naziri
Betsi Devos – təhsil naziri
Cina Haspel – Mərkəzi Kəşfiyyat İdarəsinin direktoru
Den Kouts – Milli Kəşfiyyatın direktoru
Robert Laytizer – Ticarət Nümayəndəlikləri Ofisinin rəhbəri
Kristofer Pilkerton – Kiçik Biznes Administrasiyasının rəhbəri
Endrü Uiler – Ətraf Mühitin Mühafizəsi Agentliyinin rəisi.
İnzibati-Büdcə İdarəsinin direktoru Mik Malvani Ağ ev aparatının rəhbəri vəzifəsini də icra edir.
1946-cı il təvəllüdlü Donald Tramp Respublikaçılar Partiyasının üzvüdür. 2016-cı il noyabrın 8-də keçirilmiş ümumxalq seçkisində Demokratlar Partiyasından Hillari Klintonu məğlub edib. O, 538 nəfərlik Seçicilər Kollegiyasına 306 nümayəndə qazanıb. Seçicilər Kollegiyası həmin il dekabrın 19-da prezident seçkisi ilə bağlı yekun qərarını verib. Səsvermədə 304 nəfər Donald Trampı dəstəkləyib. Seçicilər Kollegiyasındakı səsvermənin nəticəsi Konqresin 2017-ci il yanvarın 6-da keçirilən iclasında təsdiqlənib. Donald Tramp yanvarın 20-də səlahiyyətlərinin icrasına başlayıb.
ABŞ-da növbəti prezident seçkisi 2020-ci il noyabrın 3-nə təyin olunub. Donald Tramp həmin seçkiyə qatılacağını bəyan edib.
