Sərhəddə tapşırıq
Dövlət Sərhəd Xidmətinin rəisi general-polkovnik Elçin Quliyev iyulun 24-də Sərhəd Qoşunlarının Qazax və Ağstafa rayonları ərazisindəki hərbi hissə və bölmələrinin xidməti-döyüş fəaliyyətini yoxlayıb.
Rəsmi bilgiyə görə, Elçin Quliyev sərhəd zastavalarında və sərhəd döyüş məntəqələrində xidmət edən şəxsi heyətlə görüşüb, dövlət sərhədində sərhəd mühafizə və müdafiə infrastrukturunun yaradılması istiqamətində görülən işlərə baxış keçirib, dövlət sərhədinin toxunulmazlığının və şəxsi heyətin təhlükəsizliyinin təmin edilməsi üzrə tapşırıqlar verib.
Novator.az xatırladır ki, iyulun 14-də bir qrup Gürcüstan vətəndaşı Sərhəd Qoşunlarının “Şəmkir” sərhəd dəstəsinin xidməti ərazisində dövlət sərhədini pozaraq Azərbaycan ərazisindəki “Keşikçidağ” mağaralar kompleksi yaxınlığında xidmət aparan sərhəd naryadına hücum edib.
“Keşikçidağ” məbədi Azərbaycanın Gürcüstanla sərhədində, mübahisəli ərazi sayılan zonada yerləşir. Məbədin bir hissəsi Gürcüstanın Saqareco rayonunun, digər hissəsi Azərbaycanın Ağstafa rayonunun ərazisinə düşür. Azərbaycan mənbələrinə görə, “Keşikçidağ” qədim alban məbədidir. Gürcü mənbələri isə David Qareci adlandırdıqları məbədin Gürcü Pravoslav Kilsəsinə aid olduğunu iddia edir.
Gürcüstan-Azərbaycan sərhədində təxribat gərginlik yaratdı
Sərhədçi nə zaman silah tətbiq edə bilər?
