Rəsmi məzənnələr
Mərkəzi Bank iyulun 25-də Türkiyə lirəsinin məzənnəsini 0,2977 manata qaldırıb.
ABŞ dolları (1,7 manat) və Rusiya rublunun (0,0269 manat) rəsmi qiymətləri dəyişməyib.
Dəyər itirən avro banklara 1,8929, Gürcüstan larisi 0,5837 manata təklif olunur (Tam siyahı).
Dolların indiki qiyməti 2018-ci il martın 7-dən qüvvədədir. Avro 2019-cu ilə 1,9323, lari 0,6346, rubl 0,0245, lirə 0,3141 manatla başlayıb.
Bu il 25-29 aprel arası, mayın 3-də, 20-24 və 29-31 may arası avro 1 manat 90 qəpikdən ucuz satılıb. İyulun 24-də bu valyutanın rəsmi kursu yenə 1 manat 90 qəpikdən aşağı düşüb.
Dövlət Neft Fondu Mərkəzi Bankın manatı qorumaq üçün yanvar-iyun aylarında keçirdiyi valyuta hərraclarında 2 milyard 643,6 milyon ABŞ dolları məbləğində vəsait satıb.
