Büdcə zərfi necə dəyişdi?
Prezident İlham Əliyev 2019-cu ilin dövlət büdcəsinə dəyişiklikləri təsdiqləyib. Novator.az-ın məlumatına görə, müdafiə xərcləri 3 milyard 37,6 milyon manatdan 3 milyard 187,6 milyon manata yüksəlib, sosial müdafiə və sosial təminat xərcləri 2 milyard 620,4 milyon manatdan 2 milyard 470,4 milyon manata enib.
İcmal büdcəsinin xərclərinin yuxarı həddi 27 milyard 370,8 milyon manat səviyyəsində rəsmiləşib.
Büdcə zərfinə daxil olan digər sənədlər də yenilənib. Dövlət Sosial Müdafiə Fondunun 2019-cu il üzrə gəlirləri və xərcləri 4 milyard 128,1 milyon manata, işsizlikdən sığorta fondunun 2019-cu il büdcəsinin gəlirləri və xərcləri 98 milyon 451,4 min manata qaldırılıb.
